27Urtarrila2021

001.jpg
Zu hemen zaude: Albisteak

Kategoria: Albisteak

Kiroldegia 2021

Villabonakoak ez diren Olaederrako bazkideek behin behineko baja eskatu dezakete, itxiera perimetralak irauten duen bitartean

Villabonan erroldaturik ez dauden Olaederra Kiroldegiko bazkideek BEHIN BEHINEKO BAJA eskaera egin dezakete herrien arteko itxiera perimetralak irauten duen bitartean. Ezinbestekoa da aurrez 943 69 43 22 telefono zenbakira deitzea edo E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidera idaztea baja eskaera egiteko. Hori horrela, udalerrien arteko itxierak indarrean dirauen bitartean, ez da hilabeteko kuotarik kobratuko, beti ere, aurrez eskaera egin bada.

Udalerrien arteko itxiera perimetrala bertan behera geratu bezain pronto, automatikoki alta emango zaie behin behineko baja eskaera egindako bazkideei, eta kuota normala kobratuko zaie, aurrez inolako jakinarazpenik gabe.

Ohar informatiboa

Kategoria: Nabarmenak

1611310449 068436 1611311072 noticia normal

Eusko Jaurlaritzak EAEko herri guztien itxiera perimetrala agindu du, astelehenetik aurrera

Gehienez lauko taldetan elkartu ahal izango da eta neurriak gutxienez 15 egunez egongo dira indarrean, astelehenetik hasita.

Beraz, Amasa-Villabonak perimetralki itxita jarraituko du eta astelehenetik aurrera Araba, Bizkaia eta Gipuzkoako udalerri guztiak egongo dira egoera horretan, Euskadiko Babes Zibileko Planaren batzorde teknikoak (LABI) egindako txostenetan oinarrituta, Iñigo Urkullu lehendakaria buru duen batzorde aholkulariak hartu duen erabakiaren ondorioz. Horrenbestean, azken astean bezalaxe, Amasa-Villabonatik ateratzeko edo bertara sartzeko, justifikatu daitekeen arrazoi bat izan beharko dugu eta arrazoi horiek indarrean den alarma egoera ahalbidetzen duen dekretuan biltzen dira.

Horrekin batera, talde batean elkartu daitekeen jende kopuruan ere murrizketak ezarriko dira. Orain arte sei laguneko taldeetan elkartzeko aukera baldin bazegoen, astelehenetik aurrera lauko taldeetan elkartu ahal izango dugu gehienez, eremu pribatu zein publikoan.

Neurri horiek guztiak urtarrilaren 25eko 00:00etan sartuko dira indarrean eta gutxienez 15 egunez luzatuko dira. Dekretua argitaratzen denean albiste honetan kontsultatu ahal izango da.

Kategoria: Nabarmenak

garatzen

Herritar, erakunde eta enpresetara gerturatzeko irudia berritu du Tolosaldea Garatzenek

Marka eta webgune berria garatu ditu Tolosaldea Garatzenek, inguruko eragileegana gehiago gerturatzea helburu duen komunikazio lan sakonago baten abiapuntu gisa. Garapen agentziaren 7 sailei ikusgarritasuna emate aldera, irudi berriaren egokitzapen bana izango dute aurrerantzean.

Tolosaldea Garatzen garai berrietara egokitu da. 25 urte baino gehiagoko ibilbideadu garapen agentziak eskualdearen etorkizuna eraikiz.

Hain zuzen, datozen urteotarako erronka nagusiak Plan Estrategikoan daude bilduta: kalitatezko enplegua sortzea, ekonomia zirkularraren eredua sustatzea, enpresetan 4.0 teknologia txertatzea, turismo bulego berria, gazteak zientziara gerturatzea…

Horiei guztiei beste erronka bat gehitu zaie: herritar, enpresa eta erakundeengana gehiago gerturatzea.

Horretarako, komunikazio lan sakonago bat abiatuko du Tolosaldea Garatzenek, eta hasiera moduan, marka, iruditegia eta webgunea berritu ditu.

“Herritarrentzat, enpresentzat eta udalentzat baliagarriak diren baliabide asko kudeatzen ditugu gure egunerokoan: diru-laguntzak, proiektu berritzaileak, iraunkortasun politikak, lan eskaintzak, berrikuntza programak, formazio saioak… Horiek denak eskura jarri nahi ditugu. Lehen garrantzitsua zen, baina orain bizi dugun egoeran are garrantzitsuagoa da sarbide hori erraztea”, azaldu du Iker Urruzola, agentziako lehendakariak.

Prozesu luze baten emaitza
2020ko martxoan abiatu zen analisi sakon bat du oinarrian marka berriak. Izan ere, irudiaren nondik norakoak definitzeko, herritar eta eragileek agentziarekiko duten pertzepzioa ezagutu nahi izan da.

76 pertsona elkarrizketatu dira, eta beste 120ren iritziak bildu posta elektronikoz: alkateak, udal teknikariak, ikastetxeak, kazetariak, enpresak, elkarteak, ostalariak…

Ondorioak argigarriak izan dira: garapen agentzia ezagutu arren, askok ez dute egiten den lana osotasunean ezagutzen, ezta zertarako den jakin ere. Are gehiago, gai edo zerbitzu konkreturen batekin lotu izan dute gehienek.

Hori dela eta, garapen agentziako 7 sailei ikusgarritasuna emango zaie, bakoitzak bere azpimarka izanda. Enplegua, Enpresak, Turismoa, Udalak, Ekintzailetza, Aniztasuna eta Kontsumo Bulegoa. “Lortu nahi duguna da, jendeak gure lan arloak ondo identifikatzea eta bakoitzaren atzean entitate oso bat dagoela bistaratzea”, gehitu du Urruzolak. Batasun horretatik abiatzen da, hain zuzen, marka orokorra. Pieza askoren batura irudikatu da, eskualdearen garapena faktore askoren eraginpean dagoelako. Gainera, garapen agentzian esparru askotan eta eragile askorekin egiten da lan, elkarren artean sinergiak baliatuz eta helburuak bateratuz. Partekatua baita helburu nagusia: eskualdearen garapenarekin herritarron ongizatea sustatzea.

Joxe Luis Urdangarin, garapen agentziako arduradunaren hitzetan, ez da aldaketa estetiko soil bat. “Izaera berri baterantz lanean ari garela adierazten duen aldaketa da. Egokitzeko gaitasuna dugu, eta Covid-19aren ondorioei aurre egiteko lehentasunak berrantolatu eta tresna berriak diseinatzen ari gara. Saretzea sustatu, informazioa eman, eragileen zerbitzura egon, eta epe luzerako hausnarketa kolektiboen bidez, estrategia berriak definitu nahi ditugu”.

Euskarri digitalak oinarri
Marka berriarekin, oro har, komunikazioa indartuko du aurrerantzean Tolosaldea Garatzenek, baina bereziki alor digitala auspotuz. Web orria izango da erreferentzia puntu nagusi: www.tolosaldeagaratzen.eus. Guztiz itxuraldatu da, informazioa modu antolatuagoan eta sakonago eman ahal izateko, eta gailu guztietara egokitzeko.

Funtzionaltasun gehiago ere izango ditu. Beste askoren artean, lan-eskaintzak eta lan-poltsak argitaratuko dira, CV-ak uzteko aukera emango du, eskualdeko enpresen proiektuen berri emango da, Lehiberri Zentroko aretoak alokatu ahal izango dira, edo kontsumo alorreko zalantzak argitzen lagunduko da. Datozen asteotan amaituko da eduki guztiaren eguneratze prozesua; hortaz, lehen egunotan baliteke zenbait orrialde oraindik erabilgarri ez izatea. Bestalde, sare sozialetako profilak bateratu eta txukunduko dira, horietan presentzia areagotzeko helburuarekin. Hemen zerrenda:
● Facebook: @tolosaldeagara
● Twitter: @TolosaldeaGara
● Instagram: @Tolosaldeagaratzen
● LinkedIn: Tolosaldea Garatzen
● LinkedIn (Enpresak): Tolosaldea Enpresak Garatzen
● YouTube: Tolosaldea Garatzen

Tolosako Chroma Estudioa arduratu da marka berriaren, nahiz web orri berriaren garapenaz.

Azpikategoria

Zu hemen zaude: Albisteak
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.