30Urria2020

005.jpg
Zu hemen zaude: Albisteak

Kategoria: Albisteak

8707 5429 facha

Amasa-Villabonako udalbatzak pertsona "non grata" izendatu du Rodolfo Martin Villa espainiar ministro ohia

Amasa-Villabonako udalbatzak gehiengo osoz onartu zuen EH Bilduk aurkeztutako Erakunde Adierazpena, aldeko 11 bozka (EH BIldu eta EAJ-PNV) eta aurkako bozka bakarrarekin (PSE-EE). Ondorioz, aurrerantzean Rodolfo Martin Villa espainiar ministro ohia pertsona "non grata" izango da Amasa-Villabonako udalerrian. Horrez gain, alderdi abertzaleen artean adostutako adierazpenean, Martin Villa auziperatzeko ahalegina egin duen Maria Servini epaileari frankismoko krimenen zigorgabetasunarekin amaitzeko egiten ari den lana eskertu, eta Argentinako epaitegia egiten ari den lanarekin jarraitzeko eskatzen zaio.

Gehiago irakurri...

Kategoria: Nabarmenak

IMG 4416

2021rako Ordenantza Fiskalak onartu ditu udalbatzak

Astearte arratsaldean izandako udalbatzaren osoko bilkuran, udal gobernuak aurkeztu eta udal gobernuak proposatutako 2021rako Ordenantza Fiskalak onartu ziren aldeko 7 bozkarekin (EH Bildu) eta 5 abstentziorekin (EAJ-PNV eta PSE).

Zerga eta tasa guztiak izoztuta (igoerarik gabe), hondakinen bilketaren tasa izan ezik

Udalak tasa, zerga eta udal zerbitzuengatik ordaindu beharreko kuota ia guztiak bere horretan igoerarik gabe mantenduko ditu, igoera izango duen tasa bakarra hondakinen bilketa eta tratamenduarengatik ordaintzen dena izango da. Tasa hau %5ean igoko da.

Udal gobernuak igoera hau justifikatuta dagoela baloratu du; hondakinak bildu eta kudeatzen dituen Tolosaldeko Mankomunitateari udalak ordaindu beharrekoa asko handitu delako (aurreikusitakoa baino gutxienez 50.000 euro gehiago ordaindu beharko ditu udalak 2020an), gaikako bilketaren portzentaiak jaitsi izanagatik (urtarriletik uztailera %6ko jeitsiera izan du) udalak hondakinen kudeaketarako diru gehiago ordaindu behar izan duelako, urte luzez izoztuta egon den tasa bat delako eta alboko udalerrietan hondakinen bilketagatik herritarrek ordaintzen dutenarekin konparatuz, Amasa-Villabonan ordaintzen dena oso kopuru baxua delako. Adibidez, Amasa-Villabonako herritarrek tasa honi dagokionez urtean 89,36 euro ordaintzen dituzten bitartean, Tolosan 129,80 euro, Asteasun 132,96 euro, Ibarran 137,36 euro edota Zizurkilen 145,40 euro ordaintzen dira.

%5eko igoera honek, herritarrek tasa honegatik ordaindu beharreko kopurua 1,12 eurotan igoko du hiruhileko (22,34tik 23,46ra) eta beraz, 2021. urtean herritarrek 2020an baino 4,48 euro gehiago ordaindu beharko dute (89,36tik, 93,84ra)

Udal gobernuak aitortu du neurri hau momentu honetan hartzea ez dela erraza eta popularra, baina gobernuak udaleko kontuen orekarekin beti arduraz jokatu behar dela argudiatu du eta hondakinen bilketarekin diru-sarreren eta ordaindu beharrekoaren arteko desoreka handiegia bilakatzen ari zela azaldu du. Era berean, gobernu taldeak zerbitzu honek defizitarioa izan behar duela aitortuta ere, udaleko ekonomian eta aurrekontuetan pisu handiegia hartzen ari zela baloratu du "jendearentzat esfortzu txiki bat izango da eta udal ekonomiarentzat oxigenoa ekarriko du, udalak bere zerbitzu guztiak ematen jarraitu ahal izan dezan".  

EAJ-PNV eta PSE alderdietako ordezkariek Ordenantza Fiskal hauek ez babestea eta abstentziora jotzea erabaki zuten, hondakinen bilketako tasa igotzea ez dela egokia argudiatuta.

Hobari guztiak mantendu dira

2020an udal gobernuak martxan jarritako eta aurretik jasota zeuden hobari guztiak mantendu dira eta dokumentu honetan kontsultatu daitezke: ZERGA ETA TASEN HOBARIEN ZERRENDA

Kategoria: Albisteak

IMG 0383 tokikom 700x700

Nigerian gehiegikeria polizialarekin amaitzea eskatu dute Villabona eta Zizurkilen

Divina Nigeriako emakumeen elkarteak deitu du gaurko manifestazioa eta Villabonako Errebote plazatik Zizurkilgo Joxe Arregi plazara bitarteko bidea egin dute.

Gehiegikeria polizialaren aurkako gizarte mugimendua sortu da Nigerian azken hilabete hauetan. EndSars izena hartu du eta Nigeriako indar polizial bati egiten dio erreferentzia, Special Anti-Robbery Squad, SARS. "Indarkeria erabiltzen dute gazteriaren kontra eta jendea hiltzen ari dira. Gure eskubideen alde ahotsa altxa nahi dugu eta behingoz gehiegikeria polizialarekin amaitzea eskatzen diogu Nigeriako gobernuari. Gobernantza berria behar du gure herrialdeak", esan dute Oghogho Nancy Orumwensek eta Marisa Isoken Giani Graglia Divina Nigeriako emakumeen elkarteko kideek.

Gehiago irakurri...

Azpikategoria

Zu hemen zaude: Albisteak
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.