Elika Heziz Tolosaldean, Tolosaldea Garatzenek koordinatzen duen proiektu honetan Tolosako Herrikide, Samaniego eta Laskorain ikastetxeak, Alegiako Herri Eskola eta Villabonako Zubimusu eta Fleming ikastetxeak hartzen dute parte eta jangeletako soberakin horiek Zutani eta Elkartasun Sarea elikagai bankua kudeatzen duten bi elkarteak banatuko dituzte zaurgarritasun egoeran daude bi udalerri horietan eta bi udalen babesarekin. Alegiako kasuan, udaleko gizarte zerbitzuetatik zuzenean bideratuko du soberakina. Sarea horren dinamizazio eta kudeaketaerako Zutani elkartearekin hitzarmena sinatu da.

Sare honetan parte hartzen duten 6 ikastetxe hauetako soberakin organikoak 23 tonatik gora suposatzen dute urtean eta elikadura sarea martxan jarriz gero, egunean 150 plater/eguneko berreskura daitezkela aurreikusten da.

Tolosaldea Garatzen urteak daramatza eskualdeko ikastetxeetako jangeletako elikagaien xahuketa kuantifikatu eta aztertzen, ikastetxeetan lan protokolo berriak sustatzen eta praktika onak ezartzen. Azken ikasturtean soberakin horiek berzirkularitzako protokoloa balidatu da Herrikide eta Zubimusu ikastetxeetan eta ikasturte honetan banaketa sarea beste ikastetxeetara zabalduko dugu. Datozen hilabeteetan ikastetxe hauetako soberakinak jaso eta banatuko dira Zutani eta Elkartasun Sarearen bitartez eta proiektuaren emaitzak baloratuko dira.

Elikadura sare solidario honek Eusko Jaurlaritzako dirulaguntza jasotzen du, Elika Fundazioaren babesa du eta soberakin organikoak berzirkularizatzen aditua den Oreka Circular Economy enpresaren aholkularitza teknikoa jasotzen ari da.