Villabonako Udala

Villabonako Udaletik herritarrekin elkarlanean egin nahi dugu lan. Gobernu Irekia bultzatu nahi dugu; elkarrizketan, parte-hartzean, gardentasunean eta komunikazioan oinarrituko dena.

Partaidetza sustatzeko eta herritarren eta Udalaren arteko harreman zuzena indartzeko tresna da webgune hau.  Amasa-villabonatarrek zein bisitariek galderak, iradokizunak eta kexak egiteko aukera izango duzue.

Webgune honetan Amasa-Villabonako herriari buruzko informazioa eta albisteak aurkituko dituzue. Halaber, Udalaren antolaketa xehetasun osoz ezagutzeko aukera izango duzue: Udal Gobernuaren osaera, Udaleko sailak eta hauek eskaintzen dituzten zerbitzuak, edota azken lan eskaintzak zein diru-laguntzat, besteak beste.

Beraz, gu guztion arteko komunikazioa erosoagoa,arinagoa eta eraginkorragoa izan dadin, tresna hau erabiltzera animatzen zaituztegu!