- 2023 Uztaila 07
UEMAko udaletako 125 alkate eta hautetsik Auzitegi Konstituzionalaren epaia salatu dute, eta adierazi dute euskaraz jarraituko dutela lanean
Espainiako Auzitegi Konstituzionalak Euskadiko Toki Erakundeen Legearen 6.2 artikulua bertan behera utzi ondoren, UEMAko Araba, Bizkai eta Gipuzkoako 124 alkate eta hautetsi inguru bildu dira, hainbat kolore politikotakoak. Xabat Laborde, Amasa-Villabonako alkateordea ere bertan izan da. Hitzordua gaur, ostirala, Usurbilen izan da, Auzitegi Konstituzionalaren erabaki hori salatzeko, udalek euskaraz jarduteko duten eskumena defendatzeko eta lege babesarekin edo gabe euskaraz lan egiten jarraituko dutela berresteko.
- 2023 Uztaila 03
Begoña Aranconek irabazi du Santio jaietako egitarauaren azala aukeratzeko lehiaketa
2023ko Santio jaien egitarauak badu portadako irudia. Jai Batzordeko kideek osatutako epaimahaiak Begoña Aranconen obra saritzea erabaki dute, aurkeztutako 24 proposamenen artean. Aranconek 400 euroko saria jasoko du.
- 2023 Ekaina 27
Hasi dira Arroako Fleming Herri Eskolan tabike mugikorrak ezartzeko lanak
Fleming Herri Eskolak Arroa auzoan duen eraikinean tabike mugikorrak ezartzeko lanei ekin die Udalak aste honetan bertan, haurrak oporrak dituztela baliatuz. Obra hauekin lehen solairuan dauden bi gela batzeko edo banatzeko aukera izango dute hezitzaileek, unean uneko beharrei erantzuteko eta espazioen aprobetxamendua hobetzeko.
- 2023 Ekaina 23
LGTBI+ kolektiboko pertsonei bizi baldintza duinak bermatzeko plana aurkeztu du Udalak
Amasa-Villabonako LGTBI+ harrotasunaren astearen baitan, Amasa-Villabonako Udalak, Eihera Kooperatibarekin elkarlanean, LGTBI+ kolektiboaren bizitzak duintzeko plana aurkeztu zuen atzo arratsaldean Aljibean. Bertan izan ziren Beatriz Unzue alkatea, eta Eihera Kooperatibako ordezkariak diren Laura Muelas eta Iñigo Etxezarreta. Zigor Dz eta Oier Labordek amaiera musikala eman zioten aurkezpen saioari. Ondoren, bertso-poteoan ibili ziren bertaratutakoak, Amaia Agirre eta Maider Arregi bertsolariekin batera.
- 2023 Ekaina 19
LGTBI+ harrotasunaren astea ospatuko da Amasa-Villabonan
LGTBI+ komunitatearekin duen konpromisoari eutsiz, Udalak bat egiten du LGTBI+ kolektiboko pertsonen eskubideen eta inklusioaren aldeko borrokarekin. Hori horrela, Amasa-Villabonako harrotasunaren astea antolatu du datozen egunetarako. Beraz, gure herrian aniztasuna ospatzeko eta berdintasuna sustatzeko aukera paregabea izango dugu ekainaren 21etik 28ra, LGTBI+ Harrotasunaren Nazioarteko Eguna.
- 2023 Ekaina 16
Kontsumo bonoen kanpaina berria irailaren 15etik aurrera
Irailaren 15ean abiatuko da Amasa-Villabonako Kontsumo Bonoen kanpainaren edizio berria eta abenduaren 9ra arte luzatuko da. Gure herriko merkataritza sustatzea helburu duen ekimen hau Amasa-Villabonako Udalak antolatu du Oria Merkatari Elkartearekin elkarlanean.
