19Apirila2024

011.jpg
Zu hemen zaude: Albisteak

Kategoria: Albisteak

20240305M8

Martxoaren 8aren harira Aiztondoko Mugimendu Feministak egindako deialdiekin bat egin du Udalak

Berdintasunarekiko duen konpromisoari eutsiz, Udalak bat egin du Aiztondoko Mugimendu Feministak martxoaren 8aren harira antolatu dituen deialdiekin.
Genero-berdintasunaren garrantziaz kontzientziatzeko, eta emakumeek esparru guztietan parte-hartze aktiboa izan dezaten sustatzeko, izaera desberdineko jarduerak antolatu ditu Mugimendu Feministak Aiztondo bailaran:

Gehiago irakurri...

Kategoria: Nabarmenak

20240301 Iturrigoxo

Amasako Iturrigoxo taberna-jatetxearen ustiaketa esleitzeko lehiaketa zabalik

Interesdunek gaurtik martxoaren 22ra arteko epea dute eskabideak aurkezteko.

Otsaileko ohiko osoko bilkuran Amasako Iturrigoxo taberna-jatetxea ustiatzeko espedientea eta horren baldintza tekniko eta administratiboen agiriak onartu ziren. Era berean, lehiaketa prozesuari hasiera ematea ere erabaki zen. Alderdi guztiek aho batez onartu zituzten esleipenaren baldintzak jasotzen dituzten dokumentuak.

Aurkezteko epea: martxoaren 1etik 22ra
Iturrigoxo taberna-jatetxearen esleipen prozesuan parte hartzeko interesa dutenek 2024ko martxoaren 22ko 14:00ak baino lehen aurkeztu beharko dituzte hautagaitzak. Eskabidea telematikoki aurkeztu nahi dutenek euskadi.eus-eko kontratazio plataformaren bidez egiteko aukera dute. Beste aukera proposamena presentzialki Villabonako Udaletxeko herritarren arreta zerbitzuko bulegoan (behe solairuan) aurkeztea izango da.

Esleipen prozesua bi zatitan gauzatuko da
Amasako taberna-jatetxearen esleipen prozesuak bi zati izango ditu; Lehenengoan dokumentazio administratiboa aurkeztu beharko da eta Udal Kontratazio Mahaiak aukeratuko ditu hurrengo fasera igaroko diren hautagaiak. Bigarren fasean, aldiz, hautagaiek eskaintzak aurkeztu beharko dituzte.

Hilean 50 euroko kanona, gutxienez
Lizitatzaileek hileroko ekarpen ekonomikoa egin beharko diote Udalari kanon kontzeptuan eta gutxienez 50 eurokoa izan beharko du (41,32 euro + BEZ). Hautagaiek, kopuru hori igotzeko aukera izango dute aurkeztu beharreko eskaintzetan.

Kontratuak 5 urteko iraupena, 10 urtera arte luzatzeko aukerarekin
Amasako Iturrigoxo taberna-jatetxea ustiatzeko kontratuak 5 urteko iraupena izango du, eta aldeek horrela adostuz gero, urtez urte luzatzeko aukera egongo da. Nolanahi ere, kontratuak, luzapen guztiak barne, 10 urteko iraupena izango du gehienez ere.

Deskargatu pleguak

Kontratazio plataforma

Kategoria: Albisteak

20240229 Stock1

Neguko stock azoka antolatu du Oria Merkatarien Elkarteak astebururako

Urteroko ohiturari jarraituz, Villabona eta Zizurkilgo neguko stock azoka antolatu du Oria Merkatarien Elkarteak biharko eta etzirako. Aurten ere 17 saltokik parte hartuko dute produktuak denda atarira atera eta denboraldi-amaierako deskontu bereziak eskainiz; neguko produktuak prezio ezin hobean erosteko azken aukera izango da asteburukoa.
Stock azokak irauten duen bitartean, trikitilariek herriko kaleak girotuko dituzte musika doinuekin, eta etxeko txikienentzat jolasak egongo dira.

Gehiago irakurri...

Azpikategoria

Zu hemen zaude: Albisteak
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.