Kategoria: Nabarmenak
- 2023 Ekaina 17
Beatriz Unzue Esnaolak jarraituko du Amasa-Villabonako alkatetzan
Udalbatza berriaren eraketarako osoko bilkura egin da gaur eguerdian udaletxeko Batzar aretoan, eta Beatriz Unzue Esnaola Euskal Herria Bilduko hautagaia izango da Amasa-Villabonako alkatea, 2023-2027 legegintzaldian. Bere bigarren legealdia izango da alkatetzan.
Toki-administrazioei buruzko erregelamenduak agintzen duen bezala, Adineko mahaia (udalbatzako kide gazteenak eta helduenak osatua) eratu ondoren, kredentzialak egiaztatu eta zinegotziek beren kargua hartu dute.
Udalbatza berria aldarrikatu ondoren, Amasa-Villabonako alkatea aukeratu dute zinegotziek bozketa bidez. EH Bilduko zortzi zinegotzien botoak Beatriz Unzue Esnaolarentzat izan dira, eta EAJ-PNVko lau ordezkariek, eta PSE-EEkoak boto zuria eman dute.
Beraz, 2023-2027 legegintzaldian, Udalbatza osatzen duten zinegotziak hauek dira:
- Beatriz Unzue Esnaola (EH Bildu)
- Xabat Laborde Etxabe (EH Bildu)
- Irune Alfonso Izagirre (EH Bildu)
- Eñaut Zelarain Etxeberria (EH Bildu)
- Arantza Lopez Luloaga (EH Bildu)
- Ander Goikoetxea Arana (EH Bildu)
- Eneritz Ugartemendia Urretavizcaya (EH Bildu)
- Juan Luis Irazusta Diaz (EH Bildu)
- Eneko Urdangarin Eizagirre (EAJ-PNV)
- Arantzazu Rojo Gomez (EAJ-PNV)
- Ianko Gamboa Sanz (EAJ-PNV)
- Aitziber San Roman Abete (EAJ-PNV)
- Eduardo Gonzalez Vaz (PSE-EE)
Kategoria: Albisteak
- 2023 Ekaina 16
Kontsumo bonoen kanpaina berria irailaren 15etik aurrera
Irailaren 15ean abiatuko da Amasa-Villabonako Kontsumo Bonoen kanpainaren edizio berria eta abenduaren 9ra arte luzatuko da. Gure herriko merkataritza sustatzea helburu duen ekimen hau Amasa-Villabonako Udalak antolatu du Oria Merkatari Elkartearekin elkarlanean.
Kategoria: Albisteak
- 2023 Ekaina 16
Amasa-Villabonako udalak Bertatik Bertara kanpainan parte hartuko du
Bisitariak zein bisitariekin harremana duten zerbitzu sektoreko arduradunak eta langileak euskara aintzat hartzera gonbidatzeko kanpaina egingo da Amasa-Villabonan eta udalerri euskaldunetan.
