16Apirila2024

011.jpg
Zu hemen zaude: Albisteak ‘100 ahots baietz!’ teknologiari euskaraz irakasteko maratoia, abenduaren 2an

‘100 ahots baietz!’ teknologiari euskaraz irakasteko maratoia, abenduaren 2an

20231128 100AhotsBaietz

Euskaldunok aurrean dugun desafioetako bat da egunero erabiltzen ditugun mugikorrek, ordenagailuek eta bestelako tresna teknologikoek euskaraz egitea eta ulertzea. Teknologiari euskaraz irakastea falta da, eta, horretan laguntzeko, Tolosaldeko maratoia antolatu da abenduaren 2an.

100 ahots biltzeko erronka jarri da eskualdean ‘Gaitu’ kanpainarekin bat eginez. 10:00etatik 14:00etara eta 16:00etatik 18:00etara da ekintza, Tolosako Kultur Etxeko areto nagusian.

Erraza da maratoian parte hartzeko prest daudenek egin beharrekoa: ordenagailu aurrean jarri, eta pantailan azalduko diren esaldiak irakurri beharko dituzte, ahotsa grabatuz. Hori egiteko, 30 minutuko txandak antolatu dira, eta beharrezkoa izango da aurretik izena ematea. Ez da ordenagailuarekin abila izan behar parte hartzeko; gauza oso sinplea izango baita parte hartzaileek egin beharrekoa eta edozein zalantzaren edo arazoren aurrean boluntarioak ere egongo baitira bertan. Izena www.galtzaundi.eus webgunean eman behar da, ordutegia aukeratuz. Ordenagailuak eta kaskoak bertan prest egongo dira herritarrentzat.
Izan ere, euskara moduko hizkuntza gutxituak ez daude enpresa teknologiko handien asmoetan. Beraz, gure hiztun komunitateak aparteko ahalegina egin behar du bide propioa egiteko. Adituen arabera, etorkizunean ez dugu teklaturik erabiliko. Gailuek gero eta gehiago hitz egiten dute, beraz, ezinbestekoa da euskarak hor bere bidea egitea. Tolosaldeko euskalgintzako eragileek eta udalek herritarrak animatu nahi dituzte maratoian parte hartzera: “Zenbat eta ahots gehiago lortu, hobeto. Tolosaldean 100 baietz!”.

Zu hemen zaude: Albisteak ‘100 ahots baietz!’ teknologiari euskaraz irakasteko maratoia, abenduaren 2an
logo-negatiboa
Erreboteko Plaza, s/n. 20.150 Gipuzkoa
Telf: 943 69 21 00 - Fax: 943 69 33 76
E-posta: E-mail hau spam roboten kontra babestuta dago. JavaScript aktibatuta izatea behar duzu hau ikusteko.